Sex and the City-ის ახალი სეზონი 17-წლიანი პაუზის შემდეგ, 1 თვის წინ გამოვიდა ეკრანზე და ერთგულ ფანებს ბევრი სიახლე შესთავაზა. განახლებული სერიალი სახელწოდებით – And Just Like That, წარმატებული ნიუ-იორკელი მეგობრების ცხოვრებაზე ჰყვება, რომლებიც 50 წელს გადაცილებულები არიან და თანამედროვე სამყაროს მრავალ გამოწვევასთან უწევთ გამკლავება.
სერიალის მესამე ეპიზოდი განსაკუთრებით ამაღელვებელი იყო, რადგან მირანდა ჰობსის თავს დატრიალებული სიახლეები ვიხილეთ. მირანდა, რომელიც ჰეტერო ქორწინებაში იმყოფება და ქმართან კავშირის დაკარგვაზე დარდობს, სერიალის ახალ პერსონაჟთან, ბისექსუალ ჩე დიაზთან დამეგობრდა. სერიალის უახლეს ეპიზოდში კი ჩესთან ჰომოეროტიკული მომენტი ვნახეთ, რომელიც მირანდას სექსუალური აღმოჩენების გზის დასაწყისს მოწმობს.
