Netflix-მა სულ ახლახანს გაავრცელა ტრეილერი პირველი გეი საშობაო ფილმისა, რომელიც დეკემბერში გამოვა სტრიმინგ სერვისზე.
როგორც IMDB-ზე ვკითხულობთ, ფილმს Single all the Way ერქმევა და გვიამბობს ორი გეი მეგობრის საშობაო ისტორიას. პიტერი, რომლის ოჯახიც ძალიან ნერვიულობს პიტერის მარტოხელობის გამო, გადაწყვეტს, მშობლიურ სახლში, საშობაოდ, თავის მეგობარ ნიკთან ერთად ჩავიდეს და მოიტყუოს, თითქოს შეყვარებულები არიან.
მეგობრებმა ჯერ არ იციან, რომ პიტერის დედამ უკვე იფიქრა შვილზე და გადაწყვიტა, ბრმა პაემანი დაუნიშნოს სიმპატიურ ფიტნეს ინსტრუქტორ ჯეიმსთან.
ფილმში ასევე შევხვდებით დეიდა სენდის, რომლის როლსაც ყველასათვის საყვარელი ჯენიფერ კულიდჯი ასრულებს და ლეგენდარული ბრიტნი სპირსის საახალწლო სიმღერებს.
ფილმი Netflix-ის პლატფორმაზე 2 დეკემბერს გამოვა.
