7 ფაქტი, რომელიც დაგარწმუნებთ, რომ მაილი საირუსი LGBT+ საზოგადოების ნამდვილი მხარდამჭერია

7 სტუდიური ალბომის ავტორი, გინესის რეკორდის მფლობელი და ამერიკული ჩარტების ნამდვილი ლიდერი სამი ათწლეულის განმავლობაში არ კარგავს აქტუალობას და ფანების სიყვარულს და ამის ერთ-ერთ მთავარ მიზეზად, შეიძლება მივიჩნიოთ მომღერლის მხარდაჭერა მოწყვლადი ჯგუფების და ლგბტ+ საზოგადოების მიმართ.

მაილი საირუსი ჯერ კიდევ მაშინ საუბრობდა ლგბტ+ თემებზე, როცა ამ თემებით მედია არ იყო დაინტერესებული და ვარსკლავიც ჯერ კიდევ არ იყო სრულწლოვანი. თავისი 20-წლიანი კარიერის განმავლობაში, არტისტი ყოველთვის ცდილობს, თავისი გავლენები და მხარდამჭერთა არმია გამოიყენოს იმისთვის, რომ დაეხმაროს მათ, ვისაც ეს სხვადასხვა მიზეზის გამო არ შეუძლია.

2009 წლის თვითი ჰომოფობიის წინაღმდეგ

 

მაილი საირუსი სულ რაღაც 11 წლის იყო, როცა დისნეის ცნობილ სერიალში, Hannah Montana-ში მთავარი როლი მიიღო, მას შემდეგ პატარა გოგონას ცხოვრება ძირეულად შეიცვალა და ამერიკელი მოზარდების საკულტო ვარსკვლავი გახდა. მიუხედავად უზარმაზარი წარმატებისა, თინეიჯერი ვარსკლავი 2009 წლიდან აქტიურად უჭერდა მხარს LGBT+ საზოგადოებას და მას შემდეგ, რაც 2009 წელს მის ამერიკას ერთ-ერთმა კონკურსანტმა პირდაპირ ეთერში განაცხადა, რომ ქორწინება მხოლოდ ჰეტეროსექსუალ წყვილებს უნდა შეეძლოთ, 16 წლის პოპვარსკვლავმა თვითერზე პირველი მხარდამჭერი თვითი გამოაქვეყნა, სადაც თავის ახალგაზრდა ფანებს ეუბნებოდა, რომ ყველა იმსახურებს სიყვარულს.

ეს არ ყოფილა ვარსკვლავის ერთადერთი სოციალური გამოხმაურება, იგი ხშირად აქვეყნებს სოციალურ ქსელში ფოტოებს და პოსტებს, სადაც ღიად უცხადებს მხარდაჭერას ლგბტ+ საზოგადოებას და უპირისპირდება იმ პოლიტიკოსებს თუ საჯარო პირებს, რომლებიც ჰომოფობიურ განცხადებებს აკეთებენ.

ახალი იმიჯი, მეტი სექსუალობა და სითამამე, რომლისგანაც ყველამ ვისწავლეთ გაკვეთილი

 

2012-2013 წლებში, Hannah Montana-ს დასრულების შემდეგ ვარსკლავი ეცადა, მსოფლიოსთვის ეჩვენებინა, რომ ის აღარ იყო პატარა, დამჯერი დისნეის პროდუქტი, რომ გაზრდა გარდაუვალია და სამუდამოდ ვერ დარჩები American Sweetheart-ის როლში. მსახიობმა მოიხსნა ჰანა მონტანას ქერა პარიკი, მოკლედ შეიჭრა თმა და სააშკარაოზე გამოიტანა საკუთარი სექსუალობა, სითამამე და ქალურობა.

მსახიობის და მომღერლის ამ ნაბიჯებმა დიდი განხილვები გამოიწვია მედიაში და ვარსკლავი არაერთხელ მწვავედ გააკრიტიკეს, როგორც სხვადასხვა ინტერნეტ გამოცემებმა, ასევე, ცნობილმა ადამიანებმა, თუმცა ამ ნაბიჯებმა ლგბტ+ ოჯახის წევრებს კიდევ ერთხელ დაგვიმტკიცა, რამხელა მნიშვნელობა აქვს ჩვენი სურვილებისთვის და მიზნებისთვის ბრძოლას, მიუხედავად იმისა, დაგიჭერენ ამაში მხარს თუ არა.

 

ბრძოლა აივ/შიდსთან

 

2014 წელს პოპულარობის მწვერვალზე მყოფმა 22 წლის ვარსკვლავმა ერთ-ერთ საქველმოქმედო საღამოზე ნახევარი მილიონი ამერიკული დოლარი გადარიცხა ფონდში, რომელიც მიზნად ისახავს აივ/შიდსთან ბრძოლას.

ეს პირველი შემთხვევა არ ყოფილა, როცა ვარსკლავმა დონაცია გააკეთა. მაილი საირუსი ხშირად ატარებს საქველმოქმედო კონცერტებს, ყიდის თავის პირად ნივთებს სხვადასხვა მოწყვლადი ჯგუფების დასახმარებლად და ეხმარება გლობალურ ორგანიზაციებს ინფორმაციის გავრცელებაში.

 

არასამთავრობო ორგანიზაცია Happy Hippie

 

2014 წელს ახალგაზრდა ტრანსგენდერი ქალის, ლილა ალკორნის თვიმთმკვლელობის შემდეგ, მაილი საირუსმა გადაწყვიტა, შეექმნა არასამთავრობო ორგანიზაცია Happy Hippie Foundation, რომელიც იმუშავებდა უსახლკარო ლგბტ+ ადამიანებზე და სხვადასხვა სერვისებს შესთავაზებდა მათ.

 

2015 წლიდან ორგანიზაცია სხვადასხვა სოციალურ კამპანიებს აწარმოებს და უსახლკარო ახალგაზრდებს სთვაზობს უფასო საცხოვრებელ ადგილს, საკვებს და ფსიქოლოგიურ დახმარებას. ამასთან ერთად, ორგანიზაციის სახელით მაილი საირუსმა ჩაწერა სიმღერა Inspired, რომელიც დღემდე ისმის ამერიკულ პრაიდებზე. რამდენიმე წლის წინ კი Instagram-ს შესთავაზა პარტნიორობა და ტრანსკვირეული წამოიწყო, რათა აემაღლებინა მიმღებლობა ტრანს თემის მიმართ.

 

ქამინგაუთი

 

 

 

2013 წელს ვარსკვლავის იმიჯის შეცვლის შემდეგ მედია ალაპარაკდა იმაზე, რომ მაილი საირუსი ლესბოსელია, ამ შეფასებას ახალგაზრდა ვარსკლავი არ შეუშინებია და პირიქით, ის ხშირად აღნიშნავდა, რომ მას მხოლოდ ახარებს, თუ მედია და ფანები მას ლგბტ+ ოჯახის წევრად აღიქვამს.

 

რამდენიმე წლის შემდეგ ვარსკლავი გასცდა ლგბტ+ მხარდამჭერის სტატუსს და ქამინგაუთი გააკეთა, მსახიობს არაერთ ინტერვიუში უსაუბრია, რომ ის პანსექსუალია და მისთვის მნიშვნელობა არა აქვს, სქესს, როცა საქმე სიყვარულს და სექსუალურ პარტნიორს ეხება.

 

Rupaul-ის დრაგ ქვინების მეინსტრიმში გამოყვანა 

 

 

მანამ სანამ Rupaul-ის Drag Race და მასში მონაწილე დრაგ ქვინები ფართო მასებისთვის გახდებოდა ცნობილი, შოუ არც ისე წარმატებული იყო. შოუს პოპულარობის მოხვეჭისთვის დრო დასჭირდა, რაშიც თავისი წვლილი მაილიმაც შეიტანა. Wrecking Ball-ის ვარსკლავი ერთ-ერთი პირველია, რომელმაც MTV Video Music Awards-ის დაჯილდოვების სცენაზე რუპოლის დრაგ ქვინები გამოიყვანა და მათთან ერთად შეასრულა სიმღერა.

 

ამასთან ერთად ახალგაზრდა ვარსკლავი იყო Rupaul-ის ერთ-ერთი სეზონში მიწვეული ჟიურის წევრი.

 

 

ლეგენდარული Cher-ის ბრწყინვალე ქავერი

 

 

თუ ზემოთ ჩამოთვლილი მიზეზები საკმარისი არ არის, მაშინ აუცილებლად უყურეთ მაილის საირუსის 2021 წლის პრაიდის კვირეულისადმი მიძღვნილ კონცერტს, სადაც პოპ-ვარსკლავი ლეგენდარული Cher-ის სიმღერის, Believe-ის დაუვიწყარ შესრულებას გვთავაზობს.

 

წინა

ლეიდი გაგას House of Gucci-ში შესრულებული როლის გამო პანიკური შეტევები დაეწყო

შემდეგი

დემნა გვასალია CFDA Awards-ის გამარჯვებულია

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების