7 მსახიობი ქალი, რომელიც შესანიშნავად ითამაშებდა აგენტი 007-ის როლს

ხუთწლიანი ლოდინის შემდეგ, სულ მალე კინოთეატრების ეკრანებზე ჯეიმს ბონდის მორიგ ეკრანიზაციას ვიხილავთ. როგორც ცნობილია, 2021 წლის სურათი „სიკვდილის დრო არ არის“ (No Time To Die) ბოლო ფილმია, სადაც აგენტი 007-ის როლში დენიელ კრეიგს ვიხილავთ.

იან ფლემინგის საკულტო რომანებზე დაფუძნებული ფილმების ფანები უკვე აქტიურად განიხილავენ, ვინ ჩაანაცვლებს 53 წლის მსახიობს ბონდის მორიგ ფილმში, გაჩნდა ვარაუდი, რომ, შესაძლოა, შემდეგ ფილმში ლეგენდარული გამომძიებლის როლში ისტორიაში პირველად ქალი მსახიობი ვიხილოთ.

გთავაზობთ 7 ვარსკვლავს, რომელიც მშვენივრად გაართმევდა თავს მოხერხებული გამომძიებლის როლს:

ჯოდი კომერი 

ოქროს გლობუსის სამ გზის ნომინანტ და ემის მფლობელ ჯოდი კომერს, მაყურებელი BBC-ის საკულტო სერიალიდან, Killin Eve-დან იცნობს. ბრიტანელი მსახიობი სერიალში ბოროტმოქმედი სუპერაგენტის, აქსანა ასტანკოვას, იგივე ვილანელის როლს ასრულებს. სერიალში 28 წლის მსახიობი ძალიან დასამახსოვრებელ სახეს ქმნის და მაყურებელს პირველივე სერიიდან ითრევს დაუვიწყარ თავგადასავალში, ასე რომ, რატომაც არა?! – ჯოდი კომერი შესანიშნავი აგენტი 007 იქნებოდა.

ჯენიფერ ლოურენსი 

როცა თანამედროვეობის გამორჩეულ მსახიობ ქალებზე ვსაუბრობთ, შეუძლებელია, არ გაგვახსენდეს ოსკაროსანი ჯენიფერ ლოურენსი, რომელმაც საერთაშორისო აღიარება „შიმშილის თამაშებიდან“, მეამბოხე კეტნის ევერდინის დაუვიწყარი როლით მიიღო. 31 წლის ვარსკლავი ერთნაირი წარმატებით ახერხებს ითამაშოს დარენ არანოვსკის შემზარავ ფსიქოლოგიურ ფილმში, აუჯანყდეს კაპიტოლიუმს, რეალური გმირის, გამომგონებელი ჯოი მონგანოს ტყავში შეძვრეს და ბოროტმოქმედის როლი მოირგოს მარველის სუპერგმირების სამყაროში, სწორედ ამიტომ, სულაც არ იქნება საკვირველი, თუ მომდევნო სუპერ აგენტად ჯენიფერ ლოურენსს ვიხილავთ.

ლუპიტა ნიონგ’ო 

ოსკაროსანი ლუპიტა ნიონგ’ო კიდევ ერთი მსახიობია, რომელიც შესანიშნავად გაართმევდა თავს სუპერაგენტის როლს. ოსკაროსანი მექსიკელ-კენიელი მსახიობი ფართო აუდიტორიამ მას შემდეგ გაიცნო, რაც ეკრანებზე „მონობის 12 წელიწადი გამოვიდა“. ფილმის გამოსვლის შემდეგ მსახიობმა არაერთი დასამახსოვრებელი როლი გვაჩუქა ისეთ ფილმებში, როგორებიცაა – „ვარსკვლავური ომები“, „შავი პანტერა“, „ჩვენ“ და „პატარა მონსტრი“.

ემილი ბლანტი 

ემილი ბლანტი კიდევ ერთი ბრიტანელი მსახიობია, რომელიც 20 წელზე მეტია, სხვადასხვა დასამახსოვრებელ როლებს გვთავაზობს. 38 წლის მსახიობს ერთნაირი წარმატებით შეუძლია შეასრულოს მირანდა პრისლის ასისტენტის, მერი პოპინსის, დედოფალი ვიქტორიასა და FBI-ის აგენტის როლი, ასე რომ, ემილი ბლანტის სამსახიობო მონაცემები და ქარიზმა ნამდვილად გაამდიდრებდა აგენტი 007-ის ფილმების სერიას.

გალ გადოტი 

Time-ის 2018 წლის ყველაზე გავლენიანი ადამიანი გალ გადოტი ნამდვილად შესანიშნავი კანდიდატია, თუ ფილმის შემქმნელები გადაწყვეტენ, რომ სუპერ აგენტის როლზე ქალი მსახიობი დაამტკიცონ. ებრაელი მოდელი მაყურებლისთვის DC-ის სამყაროში შესრულებული Wonder Woman-ის როლითაა ცნობილი. 36 წლის მსახიობს მართლაც აქვს გავლილი ისრაელში სამხედრო ძალებში წვრთნები, რაც მის შანსებს ერთი-ორად ზრდის.

მარგო რობი 

 

მიუხედავად იმისა, რომ I, Tonya-ს ვარსკლავი მარგო რობი მომდევნო რამდენიმე წელი უკვე დაკავებულია ჰარლი ქვინის 4 პროექტში, ,,ლა ლა ლენდის” რეჟისორის, დენიელ შზემის, გრეტა გერვიგის, დეივიდ ო. რასელის და ვეს ანდერსონის ფილმებისთვის, ფანები მაინც აქტიურად განიხილავენ მის კანდიდატს ლეგენდარული ჯეიმს ბონდის როლში. ავსტრალიელი მსახიობი მართლაც უნიკალურ შტრიხებს შეჰმატებდა სუპერ აგენტს, თუ გავითვალისწინებთ მის სამსახიობო შესაძლებლობებს მარტინ სკორსეზესა და კვენტინ ტარანტინოს ფილმებიდან.

ლუსი ლუ

როცა ლეგენდარულ მსახიობებზე ვსაუბრობთ, შეუძლებელია, არ ვახსენოთ „ჩარლის ანგელოზების“ ვარსკვლავი ლუსი ლუ, რომელიც უკვე მეოთხე ათწლეულია თვალს გვჭრის ეკრანებიდან და დაუვიწყარ თავგადასავლებს გვჩუქნის. 52 წლის ვარსკლავი თანაბრად ახერხებს მიუზიკლებში, სატელევიზიო სერიალებში, სათავგადასავლო ჟანრის ფილმებში, ჰორორებსა და კვენტინ ტარანტინოს სისხლიან ფილმებში წარმატებული სახეების შექმნას, ასე რომ, რატომაც არა?! – მეტი ლუსი ლუ ეკრანებზე!

წინა

ნობელის პრემიის მფლობელი ქალი მწერლები ლიტერატურის დარგში

შემდეგი

საფრანგეთის დიდი ნაბიჯი კონვერსიული თერაპიის აკრძალვისკენ

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების