შვეიცარიაში ერთი და იმავე სქესის წყვილების ქორწინება უკვე ნებადართულია

26 სექტემბერს შვეიცარიაში რეფერენდუმი ჩატარდა – შვეიცარიელი ამომრჩევლების გადაწყვეტილებით, ახლა უკვე ერთი და იმავე სქესის წყვილებსაც შეუძლიათ დაქორწინება. ამ გადაწყვეტილებას მხარი ამომრჩეველთა 64.1%-მა დაუჭირა. აქამდე, 2007 წლიდან, ერთი და იმავე სქესის წყვილებს სამოქალაქო პარტნიორობის უფლებით სარგებლობა შეეძლოთ. ეს უფლება ქორწინების უფლებით შეიცვალა.

მხარდამჭერები ამბობენ, რომ ეს გადაწყვეტილება ჰომოსექსუალ პარტნიორებს ჰეტეროსექსუალ წყვილებთან თანაბარ სამართლებრივ სტატუსს მიანიჭებს – მათ შეეძლებათ, ისარგებლონ შვილად აყვანის უფლებით და მიიღონ მოქალაქეობა.

შვეიცარია, რომლის მოსახლეობაც 8,5 მილიონია, კონსერვატიული ქვეყანაა. ფედერალურ არჩევნებში ხმის მიცემის უფლებით აქ ქალები მხოლოდ 1971 წლიდან სარგებლობენ, ხოლო ჰომოსექსუალობის დეკრიმინალიზაცია 1942 წელს მოხდა. თანაბარი ქორწინების ოპონენტები ამტკიცებდნენ, რომ სამოქალაქო პარტნიორობის შეცვლა ქორწინების სრული უფლებით, ძირს უთხრის ოჯახებს, რომლებიც ქალისა და კაცის ერთობაზეა დაფუძნებული.

მოწინააღმდეგეების კამპანია სავსე იყო ბრალდებებით, რომ ეს გადაწყვეტილება უსამართლო იქნებოდა, ლგბტ ორგანიზაციების ცხელი ხაზები პრეტენზიებმა და მტრულმა წერილებმა წალეკა.

თანაბარი ქორწინების დაკანონებით შვეიცარია შეუერთდა ევროპის უმეტესი ქვეყნების სიას. ევროკავშირის ქვეყნებიდან, ნიდერლანდები იყო პირველი, რომელმაც შეცვალა ქორწინების კანონები 20 წლის წინ, გერმანიამ – 2017 წელს, ხოლო ავსტრიამ – 2019 წელს. ერთი და იმავე სქესის ადამიანების ქორწინება კვლავ არაა დაშვებული აღმოსავლეთ ევროპის ბევრ ქვეყანაში, ხოლო კონსტიტუციით აკრძალულია პოლონეთსა და უნგრეთში.

წყარო: theguardian.com

წინა

9 ქვიარ Youtube ვლოგერი, რომელსაც შეიძლება არ იცნობდე

შემდეგი

პოლონეთის რამდენიმე რეგიონმა ანტი-ლგბტ დეკლარაციები გააუქმა

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების