9 ქვიარ Youtube ვლოგერი, რომელსაც შეიძლება არ იცნობდე

გასულმა წლებმა და კორონა ვირუსის პანდემიამ Youtube უფრო და უფრო პოპულარული გახადა, 2021 წლის მონაცემების მიხედვით, ფეისბუქის შემდეგ, youtube ერთ-ერთი ყველაზე პოპულარული სოციალური მედიაა, რომელსაც ყოველთვიურად 2.3 მილიარდი ადამიანი იყენებს.

თუ სახალისო იუთუბ ვიდეოების ყურება და ახალ-ახალი არხების აღმოჩენა თქვენც ჩვენსავით გიყვართ, მაშინ აუცილებლად გაეცანით სტატიას, სადაც ვისაუბრებთ 9 ნაკლებად ცნობილ იუთუბ ვლოგერზე, რომლებიც თავიანთი ვიდეოებით ცდილობენ, ისაუბრონ ლგბტ და გენდერულ პრობლემებზე, შეავსონ ინფორმაციული სიცარიელე და მეტ ადამიანს დაეხმარონ საკუთარი თავის აღმოჩენაში:

Abigail Thorn

გამომწერი – 1 030 000

აბიგაილ თორნის იუთუბ ჩენელი 2013 წელს გაჩნდა და ფილოსოფიის თემატიკაზე გვთავაზობს ვიდეოებს. აბიგაილმა იუთუბ არხის გახსნა მას შემდეგ გადაწყვიტა, რაც დიდ ბრიტანეთში სწავლის საფასური გაიზარდა. მისი მიზანი იყო, შეექმნა უფასო ვიდეო გაკვეთილები მათთვის, ვისაც განათლებაზე ხელი არ მიუწვდება.

იუთუბ ვლოგერი წლებთან ერთად იზრდება და ცდილობს, უფრო ხარისხიანი ვიდეოები შესთავაზოს მაყურებელს. 2018 წლიდან აბიგაილის ვიდეობი განსაკუთრებული თეატრალურობით გამოირჩევა, რაც სწავლის პროცესს ერთდროულად სახალისოსა და საინტერესოს ხდის.

იუთუბ ვლოგერმა ქამინგაუთი 2019 წელს გააკეთა.

Rose and Rosie

გამომწერი – 1 010 000

Rose და Rosie ქვიარ წყვილია, რომელსაც სამი იუთუბ არხი აქვს და მრავალფეროვან კონტენტს სთავაზობს მაყურებელს. ისინი წლების განმავლობაში გვიზიარებენ თავიანთი ცხოვრების დეტალებს, თამაშობენ სხვადასხვა თამაშს (Until Dawn, Fortnite, Fall Guys) და ცდილობენ, გააძლიერონ ქვიარ ადამიანები მსოფლიოს სხვადასხვა წერტილში.

წლების განმავლობაში Rose და Rosie-ს მაყურებელმა არაერთი დასამახსოვრებელი ეპიზოდი იხილა წყვილის ცხოვრებიდან: ხელის თხოვნა, ქორწინება, შვილის გაჩენა და ა.შ. 2020 წელს წყვილმა პოდკასტიც გააკეთა, სადაც ახალბედა დედები გვიზიარებენ თავიანთ რჩევებს, დაკვირვებებსა და რეკომენდაციებს შვილის აღზრდის შესახებ.

 

Elle Mills

გამომწერი – 1 800 000

Elle Mills კიდევ ერთი იუთუბ ვლოგერია, რომლის წარმატებაც ერთი-ორად გიაზარდა 2017 წელს. მის ვიდეოებს ხშირად ადარებენ ლეგენდარული ამერიკელი კინორეჟისორის, ჯონ ჰიუჯის ფილმებს. კანადელი ვლოგერის ვიდეობი ძალიან სახალისო, მარტივად საყურებელი და ფერადია.

მისი ყველაზე პოპულარული ვლოგები არის ვიდეო სკოლის გამოსაშვებ საღამოზე და თავის მშობლიურ სახლზე, რომელიც დისნეის ერთ-ერთი მულტფილმის, UP-ის სახლს დაამსგავსა.

2017 წელს Elle Mills-მა მორიგი ვიდეო ბლოგი ჩაწერა, სადაც მან ქამინგაუთი გააკეთა, როგორც ბისექსუალმა. ვიდეოს ატვირთვიდან მალევე გოგონას გამომწერების რიცხვი მილიონი გახდა.

Miles McKenna

გამომწერი – 1 160 000

მაილს მაქკენა ლოს ანჯელესში მცხოვრები ტრანსგენდერი მამაკაცია, რომელიც ერთ-ერთი პიონერი ტრანსგენდერი ვლოგერი და ტრანს საზოგადოების ხმააა იუთუბ სამყაროში.

მაქკენა წლების განმავლობაში სთავაზობს იუთუბის მომხმარებლებს ვიდეოების სერიას ტრანზიციის პროცესებზე, აწვდის სასარგებლო ინფორმაციას ტრანსგენდერ ადამიანებს და ამსხვრევს ტრანს საზოგადოების გარშემო არსებულ მითებსა და სტიგმებს.

სულ რამდენიმე წლის წინ ვლოგერმა წიგნიც გამოსცა, სადაც უფრო დაწვრილებით საუბრობს თავის გამოცდილებაზე.

Jade Fox

გამომწერი – 244 000

ჯეიდ ფოქსი კიდევ ერთი იუთუბ ვლოგერია, რომელიც სხვადასხვა თემატიკაზე იღებს ვიდეოებს. ქვიარ კონტენტ კრეატორის გვერდზე შეხვდებით ვიდეოებს ფილმებზე, მოდაზე, პრაქტიკულ რჩევებსა და ა.შ.

ჯეიდ ფოქსი, გარდა იუთუბის ვლოგერობისა, თანამშრომლობს ისეთ კომპანიებთან, როგორებიცაა – Amazon, Calvin Klein, Netflix და Bumble – მარკეტინგული სტრატეგიის შემუშავებაში და LGBT+ საზოგადოების მოზიდვაში.

Wylde

გამომწერი – 33 900

Wylde 28 წლის არაბინალური ვლოგერი, არტისტი, მწერალი და კონტენტ კრეატორია, რომელიც 2010 წლიდან სთავაზობს მაყურებელს საინტერესო კონტენტს იუთუბის არხზე.

Wylde-მ იუთუბის გვერდი მაყურებელს სთავაზობს საინტერესო ვიდეოებს გენდერზე, სექსუალობაზე და საკუთარი თავის ძიებაზე. მისი მიზანია, დაეხმაროს ახალგაზრდა ქვიარებს და მისცეს მათ მეტი ინფორმაცია ქვიარ სამყაროზე.

მისი ყველაზე პოპულარული ვიდოებია: „როგორ აღმოვაჩინე რომ განსხვავებული ვარ“,  „რჩევები, როგორ შევარჩიოთ საყვარელი, არაბინალური სახელი“„როგორ ვესაუბროთ ბავშვებს არაბინარულობაზე“. ვლოგერს ასევე იცნობენ თავისი ცნობილი Ted Talks-ების სერიიდან.

Gary Thompson

გამომწერი – 38 000

Gary Thompson ახალგაზრდა ქვიარ ვლოგერია, რომლის იუთუბ არხსაც ThePlasticBoy-ის სახელით ვიცნობთ. გარი 2010 წლიდან აქვეყნებს ვიდეოებს მაკიაჟსა და თავის მოვლაზე.

Glamour Magazine-თან მიცემულ ინტერვიუში, ვლოგერი მოჰყვა, რომ მისი მიზანი იყო, შეექმნა ისეთი არხი, სადაც შავკანიანი ადამიანები უფრო მეტ ინფორმაციას მიიღებდნენ მუქი ფერის კანის მოვლაზე და გაუზიარებდა ინფორმაციას შავკანიან საზოგადოებას მაკიაჟთან დაკავშირებით.

ვლოგერი პირველი მამაკაცია, რომელიც L’oreal Paris კამპანიაში #YourTruly-ში მიიღო მონაწილეობა, კამპანია მრავალფეროვნებას ეძღვნებოდა. L’oreal-ის გარდა, ვლოგერი თანამშრომლობს ისეთ კომპანიებთან, როგორიცაა –  „ანასტასია ბევერლი ჰილსი“, Avon, MAC Cosmetics, Primark, Garnier და ა.შ.

Natalie Wynn

გამომწერი – 1 460 000

ContaPoints-ის ქვიარ იუთუბ არხია, რომელსაც ტრანსგენდერი ქალი, ნატალია მართავს და საუბრობს პოლიტიკაზე, გენდერზე, რასებზე, სოციალურ პრობლემებსა და ფილოსოფიაზე. მისი ვიდეობის სტრუქტურა ჩამოჰგავს გრძელ ესეის და მისი ყველაზე პოპულარული ვიდეოები ეხება ინტერნეტის უცნაურ კულტურას, JK Rowling-ის ცნობილ სკანდალსა და ონლაინ სუბკულტურა Incel-ს.

საკუთარ ვიდეობში ნატალი არ ერიდება სხვადასხვა როლის მორგებას და ცდილობს, 30-დან 1 საათამდე ხანგრძლივობის ვიდეოები უფრო გაახალისოს სხვადასხვა სცენის გათამაშებით, შეუსაბამო როლების მორგებითა და შავი იუმორის გამოყენებით.

2020 წელს ნატალია დაქამინგაუთდა როგორც ლესბოსელი.

Alayna Joy

გამომწერი – 339 000

Alayna Joy კანადელი ვლოგერია, რომელიც მრავალი წელი წერს ვიდეოებს სხვადასხვა საინტერესო და მნიშვნელოვან თემაზე.

Alanya 2020 წლამდე წერდა ვიდეოებს ბისექსუალობის შესახებ და საუბრობდა თავის მრავალწლიან ურთიერთობაზე მამაკაცთან, რომელთანაც დაქორწინებასაც აპირებდა, თუმცა 2020 წელს მაყურებელმა იუთუბ ვიდეოდან შეიტყო, რომ ქორწილი გაუქმდა, ალანიამ ქამინგაუთი გააკეთა და თქვა, რომ ლესბოსელია. მას შემდეგ კანადელი ვლოგერის ვიდეოები, ძირითადად, გვიყვება თავის, როგორც ახალბედა ლესბოსელის გამოცდილებაზე და კორონა ვირუსის პანდემიაზე დიდ ბრიტანეთში.

ავტორი – ზურა აბაშიძე

წინა

რას ნიშნავს ფერები ბისექსუალების დროშაზე

შემდეგი

შვეიცარიაში ერთი და იმავე სქესის წყვილების ქორწინება უკვე ნებადართულია

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების